Ջո Բայդենը Հարավաֆրիկյան Հանրապետության նախագահին ասել է Ուկրաինայում ռուսական օպերացիային միասնական պատասխան տալու անհրաժեշտության մասին
Ամերիկացի առաջնորդ Ջո Բայդենը Հարավաֆրիկյան Հանրապետության նախագահ Սիրիլ Ռամապոզայի հետ հեռախոսազրույցում ընդգծել է Ուկրաինայում Ռուսաստանի ռազմական գործողության «միասնական միջազգային արձագանքի» անհրաժեշտությունը։ Այս մասին ասվում է Սպիտակ տան մամուլի ծառայության ուրբաթ օրը տարածած հայտարարության մեջ։
Ինչպես հետևում է փաստաթղթից, ԱՄՆ վարչակազմի ղեկավարը զրույցի ընթացքում կենտրոնացել է «երկկողմ գործընկերության ուժեղության», ինչպես նաև «գլոբալ մարտահրավերների»։ Ըստ Սպիտակ տան՝ «նախագահ Բայդենն ընդգծել է ռուսական ռազմական գործողությանը հստակ, միասնական միջազգային արձագանքի անհրաժեշտությունը»։
«Առաջնորդները մտքեր են փոխանակել Ուկրաինայում ներկայիս հումանիտար ճգնաժամի, դրա ազդեցության մասին մատակարարման շղթաների, ապրանքների գների և Աֆրիկայում պարենային անվտանգության վերաբերյալ»,- ասվում է հաղորդագրության մեջ։
Կարծիքներ