Փսակին հերքում է AUKUS-ի գործընկերությանը միանալու Ճապոնիայի առաջարկի մասին լուրերը
Չորեքշաբթի Սպիտակ տան մամուլի քարտուղար Ջեն Փսակին հերքեց տեղեկություններն այն մասին, որ Ճապոնիայի կառավարությունը ոչ պաշտոնական առաջարկներ է ստանում միանալու AUKUS պաշտպանական գործընկերությանը, որը Ավստրալիան, Մեծ Բրիտանիան և ԱՄՆ-ն ստեղծեցին անցյալ աշնանը:
«Լրատվամիջոցների հաղորդագրությունները սխալ են», - ասաց նա լրագրողների հետ ճեպազրույցում։ Փսակին հիշեցրել է, որ Ճապոնիայի իշխանությունները նույնպես հերքել են այս տեղեկությունը։
Նրա խոսքով, գործընկերության մեջ ընդգրկված երկրներն այժմ կենտրոնացած են «մի շարք առաջադեմ ռազմական հնարավորությունների վրա աշխատանքի եռակողմ ծրագրի վերջնական մշակման վրա»: «Սակայն սա JAUKUS (Ճապոնիայի ընդգրկումը AUKUS) պլան չէ», - ասել է Սպիտակ տան խոսնակը։
Կարծիքներ