ՀՀ ՏԿԵ նախարարությունը հերքում է Սյունիքի այլընտրանքային ճանապարհի փլուզման մասին լուրերը
ՀՀ տարածքային կառավարման և ենթակառուցվածքների նախարարությունը հերքում է մամուլում տարածված՝ Սյունիքի այլընտրանքային ճանապարհի փլուզման մասին տեղեկությունը:
Նախարարության մամուլի քարտուղարը «Ֆեյսբուք»-ի իր էջում գրել է.
«Հարկ ենք համարում պարզաբանել, որ Սյունիքի այլընտրանքային՝ Տաթև-Աղվանի ճանապարհի որևէ հատվածում փլուզում տեղի չի ունեցել։
Տեսանյութում պատկերված քարաթափումը տեղի է ունեցել Խոտ-Որոտան նոր կառուցվող ճանապարհին, որտեղ ներկայում հողային աշխատանքներ են կատարվում, և նման դեպքերը բնական են։
Նշված Խոտ-Որոտան ճանապարհահատվածի ասֆալտապատումը նախատեսված է աշնանը։ Այս պահին աշխատանքներ են տարվում փլուզված զանգվածը հեռացնելու ուղղությամբ։ Քիչ անց ճանապարհահատվածն անցանելի կլինի»։
Կարծիքներ