Կիևի մոտ պայթյուններ են լսվում

Կիևի մերձակայքում գտնվող Բորիսպոլ օդանավակայանի մոտ պայթյուններ են լսվում։ Այս մասին դեպքի վայրից հայտնում է ՏԱՍՍ-ի թղթակիցը։ Հրշեջ մեքենաների խումբը շարժվել է դեպի Բորիսպիլի մոտ գտնվող զորամաս, պայթյունները շարունակվում են, հայտնում է նա։

Բջջային կապը և ինտերնետը Կիևում գործում են սովորական ռեժիմով, չնայած քաղաքում անվտանգության իրավիճակին, հայտնում է ՏԱՍՍ-ի թղթակիցը։ 

UNIAN գործակալության փոխանցմամբ՝ ժամը 05:00-ից հետո (Հայաստանի ժամանակով 07:00-ից) պայթյուններ են հնչել, բացի Կիևից, Ուկրաինայի մի շարք այլ քաղաքներում։ Նրա խոսքով՝ տեղեկություններ կան «առնվազն չորս պայթյուն Կրամատորսկում, հզոր պայթյուն Օդեսայում, Խարկովում, Բերդյանսկում»։

Կիևում տեղակայված CNN-ի լրագրողները ուղիղ եթերում հայտնել են, որ պայթյունների շարք են լսել: «Մենք լսեցինք մի շարք պայթյուններ, գուցե յոթ կամ ութ»,- ասել է Կիևի հեռուստաալիքի թղթակից Մեթյու Շանսը՝ նշելով, որ, դատելով ձայնից, պայթյունները «բավականին հեռու են եղել»։ Իր հերթին Խարկովում գտնվող Կլարիսա Ուորդն ասել է. «Մի քանի րոպե առաջ մենք լսեցինք ուժեղ պայթյունների հոսք»։ Ուղիղ հեռարձակման ժամանակ թղթակիցների ելույթների ֆոնին պայթյունի ոչ մի ձայն չհնչեց։