Արսեն Զախարյանը ճանաչվել է ՌՊԼ անցած մրցաշրջանի լավագույն երիտասարդ խաղացող
Ռուսաստանի ֆուտբոլային միությունը «Դինամոյի» կիսապաշտպան Արսեն Զախարյանին ճանաչել է Ռուսաստանի 2021/2022 մրցաշրջանի լավագույն երիտասարդ խաղացող։
19-ամյա կիսապաշտպանը նաև տեղ է գտել Ռուսաստանի 2021/2022 մրցաշրջանի 33 լավագույն ֆուտբոլիստների ցանկում։
Այս մասին հաղորդում է ՌՖՄ պաշտոնական կայքը։
Արսեն Զախարյանը Մոսկվայի «Դինամոյի» սան է։ Նրա պայմանագիրը մոսկովյան ակումբի հետ ուժի մեջ է մինչև 2024 թվականի հունիսի 30-ը։
2021/2022 մրցաշրջանում Զախարյանը մասնակցել է 34 խաղի, դարձել 9 գոլի և 9 գոլային փոխանցման հեղինակ։
Trnasfermarkt ինտերնետ-պորտալի տվյալների համաձայն՝ Զախարյանի տրանսֆերային արժեքը կազմում է 15 մլն եվրո։
Կարծիքներ