Ավստրալիայի իշխանությունները 5 տարվա ընթացքում 150 միլիոն ծառ կտնկեն՝ փայտանյութի արտահանումը խթանելու համար
Ավստրալիան հինգ տարվա ընթացքում տնկելու է 150 միլիոն ծառ՝ ապագայում փայտանյութի պաշարները խթանելու և երկրի փայտամշակման արդյունաբերությունը զարգացնելու համար: ՏԱՍՍ-ի հաղորդմամբ՝ վարչապետ Սքոթ Մորիսոնը երկուշաբթի հայտարարեց, որ ավելի քան 86 միլիոն ավստրալական դոլար (61,8 միլիոն դոլար) կհատկացվի նոր անտառներ ստեղծելու համար։
Մորիսոնը նաև ընդգծել է, որ այս ներդրումները կլինեն ամենամեծը արդյունաբերության համար վերջին 30 տարիների ընթացքում, և դրանք կմեծացնեն փայտանյութի արտահանման ծավալը առաջիկա տասնամյակներում, որոնց պահանջարկը մինչև 2050 թվականը կաճի չորս անգամ։ Բացի այդ, Ավստրալիայի գյուղատնտեսության նախարար Դեյվիդ Լիթլփրաուդի հայտարարության համաձայն, պետական ներդրումները կօգնեն նաև նոր աշխատատեղեր ստեղծել գյուղական վայրերում և երկրի հեռավոր շրջաններում:
Ավստրալիայում փայտի և փայտանյութի արտահանման տարեկան ծավալը, ներառյալ 2019-2020 թվականներին լայնածավալ անտառային հրդեհների պատճառով, նվազել է 18%-ով մինչև 2021 թվականը և երկրի տնտեսությանը բերել 2,7 միլիարդ ավստրալիական դոլար (1,9 միլիարդ դոլար): Երկրի հիմնական արտահանումը հում փայտն ու փայտի չիպերն են: Ավստրալական փայտանյութի հիմնական ներկրողները ավանդաբար Չինաստանն են, Նոր Զելանդիան և Ճապոնիան։ Արդյունաբերության մասնաբաժինը Ավստրալիայի ընդհանուր արտահանման մեջ կազմում է 1%-ից պակաս:
Կարծիքներ