Արվում է հնարավորը, որ «Հաղթանակ» խնամքի կենտրոնում յուրաքանչյուրն զգա պետության հոգածությունը. Արսեն Թորոսյան
Աշխատանքի և սոցիալական հարցերի նախարար Արսեն Թորոսյանը և ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանն այսօր այցելել են նախարարության ենթակայությամբ գործող «Հաղթանակ» շուրջօրյա խնամքի կենտրոն։ Այդ մասին հայտնում են ԱՍՀՆ-ից:
Շրջայցի ընթացքում վերջիններս ծանոթացել են հաստատության բնակիչների համար ստեղծված պայմաններին և հնարավորություններին, մատուցվող ծառայություններին։
Հաստատության աշխատակիցների հետ զրույցում քննարկվել են շենքային պայմանների մատչելիությանն ու հարմարավետությանը, դրանց շարունակական լավարկմանը, ինչպես նաև տրամադրվող ծառայությունների որակի բարելավմանն ուղղված մի շարք հարցեր։
Նախարարը շփվել է նաև բնակիչների հետ, լսել նրանց հուզող հարցերը․ զրույցի ընթացքում հավաստիացրել է, որ արվում է ամեն հնարավորը, որպեսզի կենտրոնում յուրաքանչյուրն անհատապես զգա պետության լիարժեք հոգածությունն ու խնամքը։
Կարծիքներ